ДЮРДЬОВ – У 12. колу Подручней фодбалскей лиґи Нови Сад, хторе одбавене 30. октобра, фодбалере ФК Бачка 1923 зоз Дюрдьова бавели зоз екипу Фрушкогорца, а резултат на концу стретнуца остал нєпременєни 0:0.
У першим полчаше обидва екипи ше максимално закладали за лабду на шицких часцох терена. Було даскельо добри нагоди за ґол, алє их екипи нє вихасновали.
У другим полчаше фодбалере Бачки ше упарто жадали пременїц резултат, алє ше им по конєц стретнуца нє удало.
На стретнуцу додзелєни вельо жовти картони, шейсц за обидва екипи и єден червени картон, цо указує на нєспортске справованє бавячох на терену.
После того кола Бачка на пиятим месце зоз двацец два боди. У шлїдуюцим колу дюрдьовских фодбалерох дочекаю фодбалере ОФК Сириґ на стадиону у Сириґу.