ЕПАРХИЯ СВ. О. МИКОЛАЯ – У Епархиї святого отца Миколая нєшка ше слави Вилїя по юлиянским календаре, а на ютре Рождество Христово – Крачун, хтори ше слави три днї. На Вилїю ше строго посци. У церквох нашей епархиї през тото тродньове швето буду служени Служби Божо, а нєшка ше после вилїйовей вечери ходзи по шпиваню, и зоз колядами винчує Крачун.
КОЦУР – У Церкви Успения Пресвятей Богородици у Коцуре на пондзелок, 6. януара, Крачунске Всеночне почнє на 22 годзин.
На вовторок, 7. януара, як и през три днї швета богослуженя буду вше у исти час – на 7:20 Утриня, на 8 Ранша, на 10 Шпивана и на 18 годзин Вечарша.
На стреду, 8. януара, Собор Богородици и Обручнїка Осифа. На шицких богослуженьох того дня будзе и мированє. На 10 годзин будзе Архиєрейска Служба Божа, та Крачун з вирнима у Коцуре преслави наш владика кир Георгий Джуджар.
НОВИ САД – У церкви святих апостолох Петра и Павла на Вилїю 6. януара Служба Божа будзе на 9 годзин, а на 21 годзин будзе Вельке повечериє з литию – Крачунске Всеночне зоз владиком Георгийом Джуджаром. После Всеночного будзе колядованє у церковней сали.
На перши дзень Крачуна, 7. януара, на 10 годзин будзе Архиєрейска Служба Божа, шпивац будзе Хор „Гармония”.
През три днї швета богослуженя буду на 10 и на 17 годзин и после каждей служби будзе мированє.
ДЮРДЬОВ – У церкви Рождества Пресвятей Богородици у Дюрдьове, на пондзелок, 6. януара на 8 годзин буду Царски часи, а у предлуженю будзе Служба Божа св. Василия Велького. На 22 годзин будзе Крачунске всеночне.
През три днї швета Служби Божо буду на 10 годзин и на 18 годзин будзе вечурня.
На други дзень Крачуна, после Служби Божей на 10 годзин будзе мированє.
ҐОСПОДЇНЦИ – У Церкви святого архангела Михаїла у Ґосподїнцох, на пондзелок, 6. януара саночне будзе на 16 годзин.
През три днї швета Рождества Христового Служби Божо буду на 8 годзин.
На други дзень Крачуна, 8. януара после служби на 8 годзин будзе мироває.
ШИД/БЕРКАСОВО/БИКИЧ – На Вилїю 6. януара у Церкви Преображеня Господнього у Шидзе парох о. Михайло Режак на 22. годзин будзе служиц Саночне, на перши дзень Крачуна Служба Божа з мированьом будзе на 10 годзин як и на други и треци дзень швета.
Беркасовки парох о. Владимир Еделински Миколка на Вилїю будзе служиц Саночне у церкви Святого архангела Михаила у Беркасове на 19 годзин, а у Бикичу у церкви Успеня Пресвятей Богородици на 21 годзин.
На перши дзень Крачуна Служба Божа у Бикичу будзе на 9, а у Беркасове на 10:30 годзин, на други дзень швета тиж Служби Божо у Бикичу на 9 годзин, а у Беркасове на 10:30 годзин, а после богослуженя будзе мированє.
БАЧИНЦИ – На Вилїю, 6. януара у Церкви святого апостола и евангелисти Луки, парох о. Дарко Рац будзе служиц Вечурню зоз литурґию Святого Василия Велького, а на 21 годзин Крачунске саночне.
На перши дзень швета на 10 годзин будзе служиц Святочну крачунску службу св. Йоана Златоустого и будзе и мированє.
На Други дзнеь швета Собор Пресвятей Богородици тиж на 10 годзин будзе служена Служба Божа св. Йоана Златоустого як и на треци дзень швета на 10 годзин на св. первомученїка Штефана.