БИКИЧ – Традицийна манифестация „Михалово стретнуца валалох“ под покровительством Министерства за старосц о валалє, у општини Шид будзе отримана наютре, 11. октобра, а домашнї будзе Месна заєднїца Бикич.
На 11 годзин будзе отверанє етно штандох здруженя женох зоз општини Шид, а свою дїялносц з тей нагоди представя и ремеселнїки.
На 12 годзин будзе шветочна програма у хторей наступя госци КУД „Барвинок“ зоз Камюнки у Републики Словацкей, потим СКУД „Святи Сава“ зоз Шиду, як и домашнї КПД „Иван Котляревски“ и дзеци зоз дзецинскей заградки з Бикичу, а програма будзе вонка и з тей нагоди будзе намесцена бина.
После концерту буду отримани дзецински єшеньски бависка, а дзеци ше буду змагац у призабутих бавискох як цо то скаканє у меху, лупаню кукурици, складаню чуткох и других бавискох.