КОЦУР – Орґанизацийни одбор Коцурскей чутки 2024 на пондзелок, 28. октобра на 18 годзин у Месней заєднїци орґанизує Дружтвени диялоґ: Обставини у коцурским явним и културним живоце.
Уводни слова и авторизовани дискусиї зоз Дружтвеного диялоґа буду обявени на сайтох Рускей матки и Културно-просвитного дружтва ДОК – Нови Сад.
Уход до Велькей сали Месней заєднїци Коцур 28. октобра 2024. року (пондзелок) на 18 г. шлєбодни и безплатни.
Орґанизатор Дружтвеного диялоґу Орґанизацийни одбор Коцурскей чутки 2024: МО Коцур Рускей матки и МО Коцур Културно-просвитного дружтва ДОК – Нови Сад.
Истого дня на пондзелок, 28. октобра, з початком на 19:30 годзин, у Доме култури Коцур будзе отримана схадзка Управного одбору Рускей матки и Редакциї гласнїка Рускей матки Руснак.