РАТКОВО/ЛИПАР – У своєй Розвойней лиґи младших катеґорийох, Русиново пионире прешлого тижня одбавели два стретнуца, у хторих однєсли єдну побиду процив Радничкого з Раткова, и єдно пораженє процив екипи з Липару зоз 3:1. Ґоли на обидвох стретнуцох дали Лука Фа и Велько Шомодї.
Стреду, 12. априла, одбавели стретнуце процив своїх парнякох з Раткова, хторих русиновци звладали з резултатом 3:0, а шицки три ґоли дал Лука Фа.
Окрем нього у тим составе наступели и Марко Драґутинович, Алекса Сопка, Даниєл Надь, Андрей Чизмар, Иван Планчак, Теодор Штранґар, Матей Макаї, Марко Колошняї, Кристиян Малацко, Марко Иличич, Лука Стойков и Єлисей Пап.
Шлїдуюцого дня, 13. априла, русиновци одбавели ище єдно змаганє, алє тераз зоз Липаром, у хторим прецерпели пораженє з резултатом 3:1. Домашнї однєсли побиду, медзи иншим, и дзекуюци двом висудзеним пеналом.
Ґол за свою екипу дал Велько Шомодї, а окрем нього бавели и Марко Драґутинович, Алекса Сопка, Лука Фа, Андрей Чизмар, Теодор Штранґар, Матей Макаї, Марко Колошняї, Кристиян Малацко, Марко Иличич, Лука Стойков, Єлисей Пап, Иван Медєши, Хана Будински и Давид Джуня. Тренер на обидвох стретнуцох бул Деян Йолич.