НОВИ САД ‒ Мишани хор „Гармония” Руского културного центра, Нови Сад и Церкви св. апостолох Петра и Павла, внєдзелю, 18. децембра у тей церкви шпивал з нагоди означованя 15-рочнїци свойого иснованя.
Парох новосадски о. Юлиян Рац повинчовал Хору 15-рочнїцу и наглашел же вецей як 30 члени рижних нацийох и вирох прекрашнє шпиваю, на високим уроню. Здогаднул и же Хор основани 2007. року, на инициятиву о. Романа Миза и од теди наступал у велїх местох у Сербиї и иножемстве.
Парох пожадал хористом же би и далєй були вєдно, славели Бога и преглїбйовали духовносц на чолє зоз дириґентку Сузану Ґрос Маркович. Солистка внєдзелю була Бранка Оклєша, а за клавиром бул Михайло Рацпети.