ДЮРДЬОВ – У 8. колу Подручней фодбалскей лиґи Нови Сад, хторе одбавене 02. октобра, фодбалере ФК Бачка 1923 зоз Дюрдьова победзели у стретнуцу зоз фодбалерами Червеней гвизди зоз резултатом 2:0.
Стретнуце нє було тельо чежке домашнїм, у першим полчаше бавели кущичко слабше, алє ше закладали за кажду лабду и векшина часу ше бавело на процивнїковей часци терена. Було велї нагоди за ґол хтори нє вихасновани на прави способ.
У другим полчаше фодбалере Бачки бавели вель лєпше и удало им ше посцигнуц ґол на самим початку другей часци стретнуца, у 53. минути. Резервни бавяч Деян Летич достал нагоду у 52. минути же би ше указал у найлєпшим шветлу, хтори и вихасновал пред конєц стретнуца, у 89. минути. Вон копнул до лабди и посцигнул други ґол за домашнїх.
Стретнуце прешло без жовтих и червених картонох, цо указує на спортске справованє на терену.
После того кола Бачка на високим трецим месце на таблїчки зоз осемнац бодами. У шлїдуюцим колу дюрдьовских фодбалерох дочакаю фодбалере у Кисачу.
