ДЮРДЬОВ – У 15. и остатнїм колу Другей новосадскей лиґи, внєдзелю, 23. новембра на стадиону у Дюрдьове фодбалере ФК „Бачка 1923” бавели зоз Фодбалским клубом „Борац” зоз Раковцу.
Стретнуце закончене зоз резултатом 3:0 за Бачку, а ґоли дали Саша Рац у 11. и 78. минути и Стефан Деянович у 56. минути.
Дзекуюци ище єдному удатному стретнуцу, ФК „Бачка 1923” ма знова 3 боди вецей и остава на пиятим месце зоз 28 бодами. На штернац стретнуцох зазначела дзевец побиди, єдно нєришене стретнуце и штири страцени.
