РУСКИ КЕРЕСТУР – За конєц своєй дринґацкей приповедки дзе достати вельо припознаня, на адресу Ивана Медєшия сцигло ище єдно вельке припознанє за кобулу Парма Ферм дзе Сербски дринґацки союз обявел лїстину найуспишнєйших гарлох у Сербиї старосци од 5. рокох и старших у 2024. року:
1. Парма Ферм (Lucky Boy – Palmira Ferm) – 3797 EUR / 1:15,4 (8 роки),
2. Еми дел Дуомо (Daguet Rapide – Lily del Duomo) – 3666 EUR / 1:12,9 (8 роки),
3. Кристи Аґилера А.Т. (Jasmin d’Odyssee – Cathrine Sisu) – 3420 EUR / 1:15,4 (7 роки).


Треба визначиц тото припознанє за найуспишнєйше гарло у 2024. року понеже после кобули Парма Ферм, на другим месце ше нашла кобула Еми дел Дуомо – чий власнїк преславени кошаркаш Никола Йокич.
Кобула Парма Ферм на своїм остатнїм обегованю на гиподроме Конїцкого клуба „Вранац” у Србобрану, на конїцким обегованю хторе було отримане 27. октобра освоєла 30. побиду у своєй успишней кариєри и пошла до заслуженей пензиї.
