РУСКИ КЕРЕСТУР – Ище єдно фодбалске стретнуце когуцикох и пионирох, одбавене того викенду у Спортскей гали у Руским Керестуре, кед ше стретнул домашнї „Русин” и госцуюца „Искра” зоз Коцура.
Перше стретнуце одбавела мишана ґрупа дзецох 3. и 4. класи основней школи, хтори од коцурскей Искри страцели зоз 2:0, а у тим составе бавели – Андрей Маґоч, Славиша Свирчев, Виктор Надь, Зара Малацко, Миа Сабо, Лука Бандич и Филип Дудаш.
Потим наступели пионире 4. класи, у составе – Кристофер Дудаш, Иван Надь, Давид Гарди, Давид Колошняї, Даниел Фейди, Стивен Банич и Тони Надь, а екипа од госцох страцела зоз єдним ґолом розлики, 1:0.
За шлїдуюцу екипу, у хторей наступели дзеци 3. класи, бавели – Давид Еделински, Страхиня Кршич, Тони Сивч, Лука Зелич, Андрей Надь, Алек Малацко, Алекса Медєши, а з нєришеним резултаом 1:1. Ґол за Русин дал Тони Сивч.
Потим на шор пришли старши когуцики, дзеци 2. класи у чиїм составе були – Михайло Шомодї, Павла Виславски, Серґей Сабадош, Стефан Такач, Марко Еделински, Андрей Чизмар, Лука Тасич, Дориян Попович, Матей Варґа. Зоз своїма парняками Русин одбавел нєришено зоз 2:2, а по єден ґол за Русин дали Шомодї и Тасич.
За конєц охабени наймладши русиновци, дзеци 1. класи, хтори страцели од коцурских парнякох зоз 5:1, з тим же госци наступели зоз вельо старшим составом, дзецми 5. класи.
Шицки змаганя судзел Мирослав Накич.
