Єшеньски фестивал квеца

автор ол. живкович
1k Опатрене

КУЛА – У орґанизациї општини Кула и Туристичней орґанизациї општини Кула 30. септембра и 1. октобра од 08–18 годзин у центру Кули у Кремеровей улїчки, од будинку пошти по мост, бул отримани „Єшеньски фестивал квеца”.

Гоч пре диждж котри падал, Фестивал нє бул таки вельки як прешлих рокох, накадзи зашвитло слунко, нащивителє попонагляли прешпацирац ше по Крамеровей улїчки и поопатрац, та и купиц квеце котре тей єшенї будзе посадзене до заградкох.

Вецей як пейдзешат викладателє зоз шицких крайох Сербиї, од котрих найдалєй пришли зоз Врнячкей Банї, понукли велї файти квеца, древкох, декорациї. Фестивал нащивели велї любителє квеца котри любя мац у своїх заградкох красне и рижнофарбове квеце.

ПОВЯЗАНИ ТЕКСТИ