НОВИ САД – Розпредана кнїжка писньох за дзеци „За главки у лавки”, познатей рускей писательки Ирини Гарди Ковачевич.
Кнїжка у тиражу 300 прикладнїки вишла у октобру 2019. року у едициї „Русалка”, а илустровала ю Мария Ковачевич.
Кнїжка „За главки у лавки” розпредана на початку традицийного лєтного попусту до 30% на кнїжки НВУ „Руске слово”, на котрим уж розпредани 12 цали тиражи руских кнїжкох, окреме литератури за дзеци.
Остатнїх рокох так розпредани цали тиражи кнїжкох за дзеци, медзи котрима барз популарни сликовнїци „Фарби”, „Родзини”, „Карусел” и „Кухня”.
Лєтни попуст 30% на кнїжки НВУ „Руске слово” тирва по 27. юлий 2024. року.
Електронски каталоґ вецей як 160 наслови кнїжкох можеце превжац на тим линку (у ПДФ формату).
Нови тунши кнїжки на попусту коштаю 210 динари и 350 дин, док дзепоєдни наслови и найновши сликовнїци за дзеци коштаю до 490 дин. Найдрагша кнїжка на попусту – руска кухарка преклад по сербски кошта 1.500 дин.
У СЕРБИЇ: Кнїжки до шветочних пакецикох мож купиц прейґ колпортерох по наших местох, у представительствох НВУ „Руске слово” (у Новим Садзе на адреси Футожска 2, ІІІ поверх (од 9 по 14 годзин) телефон 021/6613-697; у Руским Керестуре у будинку дакедишнєй Друкарнї на 2. поверху и на телефон 025/5100313 (од 9 по 14 годзин).
ЗА ИНОЖЕМСТВО: Особи котри нє жию у Републики Сербиї, кнїжки НВУ „Руске слово” найєдноставнєйше можу купиц прейґ фирми BOOK TRADE L.T.D EXPORT-IMPORT. Треба директно контактовац Ану Чарапич, котра заинтересованим у зависносци од держави дзе жию, пошлє девизни рахунок на котри ше уплаци за кнїжку и поштански трошки. Емаил за поручованє и шицки питаня: anabooktrade@gmail.com На тим линку контакти и вецей информациї о фирми BookTrade.
Кнїжки найлєгчейше наручиц прейґ сайту https://knjizkiporuski.com/
ВИГОДНОСЦИ: За купени на знїженю 10 кнїжки одразу, дарує ше предплату на єдно виданє електронских новинох або часописох, у ПДФ формату, до конца 2024. року: тижньово електронски новини „е-Рускe словo”, електронски формат часописа за науку, литературу, културу и уметносц „Шветлосц”, електорнски формат часописа за дзеци „Заградка”, або електронски формат часописа за младих МАК. За тих цо купя 20 кнїжки на знїженю, дарує ше єдну друковану предплату новинох або часописох до конца 2024. року: друковани тижньово новини „Рускe словo”, друковани часопис за науку, литературу, културу и уметносц „Шветлосц”, друковани часопис за дзеци „Заградка”, або друковани часопис за младих МАК. Тоти вигодносци важа и за онлайн наручованє и купованє кнїжкох.