СРИМСКА МИТРОВИЦА – У Грекокатолїцкей церкви Вознесеня Господнього, 4. януара отримани 4. Фестивал колядох.
На концерту бул городоначалнїк Сримскей Митровици Бранислав Недимович, предсидатель городскей скупштини Владимир Санадер, началнїк городскей управи за културу и спорт Владимир Павлович, амбасадор України Володимир Толкач, парох сримскомитровицки о. Иґор Вовк, як и орґанизатор концерту предсидатель КУД „Коломейка” Никола Ляхович, предсидатель Националного совиту Українцох Филип Пронек, бискуп римокатолїцкей церкви у Сриме Фабиян Свалина.
На фестивалу хтори бул барз нащивени медзи шпивацкима ґрупами зоз Сримскей Митровици, Кули, Вербасу коляди шпивало и Дружтво Руснацох зоз Сримскей Митровици, Шестри служебнїци зоз ґрупу шпивачох зоз Руского Керестура.
