БИКИЧ/БЕРКАСОВО – У греколатолїцких церквох у Бикичу и Беркасoве шветочно преславени Крачун зоз молитвами до народзеного Исуса.
У Бикичу два ґрупи дзецох ишли по обисцох колядовац на Вилїю, а пред и после Саночного дружелo шe и у сали Дома култури, хтори бул прикрашени у духу традициї, за цо ше остарало КПД „Иван Котляревски“. Саночне служел парох о. Владимир Еделински Миколка, на 21 годзин.
У церкви було досц вирних, а з тей нагоди дзеци колядовали и у церкви пред початком Саночного, а достали и крачунски пакецики хторим ше барз зрадовали.
О. Владимир Еделински Миколка служел Службу Божу и на перши дзень швета, а и нєшка на други дзень швета будзе мированє.
Крачун торжествено преславели нашо вирни у Беркасове дзе о. Еделински служел Саночне на 19 годзин на Вилїю, а богослуженя були внєдзелю и пондзелок кеди було и мированє.
