„Марш солидарносци зоз Україну“ 24. фебруара у Беоґрадзе

автор В. Вуячич
213 Опатрене

БЕОҐРАД – Амбасада України вєдно зоз представнїками других амбасадох и представнїцтвами медзинародних орґанизацийох, сербску явносцу, українску заєднїцу и другима заинтересованима гражданами планує участвовац у мирним „Маршу солидарносци зоз Україну“ 24. фебруара у Беоґрадзе знагоди 10. рочнїци Путиновей инвазиї на Крим и Донбас и 2. рочнїци аґресиї на Україну.

Зоз Амбасади України у Сербиї сообщене же сход учашнїкох будзе на соботу 24. фебруара на 13 годзин у Пионирским парку у Беоґрадзе,.

У сообщеню ше гвари же поволую най ше принєше сербски, українски и застави других жемох хтори помагаю України.

На 13:15 годзин ше руши о пешо зоз Пионирског парка на Площу Републики, дзе будзе мирни сход учашнїкох.

У сообщеню пише же сход хтори орґанизую Українски волонтере, потримує Амбасада України и дипломатски представнїцтва жемох партнерох и же є реґистровани у складзе з важацим законодавством Републики Сербиї.

Амбасада и орґанизаторе у контакту зоз орґанами за запровадзованє явного порядку и мира. Амбасада хаснує тоту нагоду подзековац власцом Сербиї и инстанцом, хтори обезпеча порядок и безпечносц, як и на нагоди же би ше отримало мирни сходи, заключує ше у сообщеню українскей амбасади.

ПОВЯЗАНИ ТЕКСТИ