РУСКИ КЕРЕСТУР – Младши катеґориї Фодбалского клуба „Русин”, вовторок 31. марца у Спортскей гали у Руским Керестуре одбавели три пририхтуюци стретнуца процив екипи ФК Текстилац зоз Оджаку и у єдним стретнуцу победзели, єдно стретнуце одбавели нєришено, док у єдним стретнуцу страцели.
На тих стретнуцох бавели дзеци хтори ходза до першей и другей класи основней школи, як и дзеци предшколского возросту.
1. ФК Русин 2017 – ФК Текстилац 2017 – 4:1. Ґоли за екипу Русина дали: Павле Папуґа, Павле Бандич, Филип Папуґа и єден бул автоґол.
2. ФК Русин 2018 – ФК Текстилац 2018 – 2:2. Ґоли за екипу Русина дали: Лазар Тасич и єден бул автоґол.
3. ФК Русин 2019/20 – ФК Текстилац 2019/20 – 1:2. Ґол за екипу Русина дал Александар Пекич.
Екипу Русина на стретнуцох водзели Денис Югик и Михайло Хома, а на стретнуцох судзел Желько Орос.
