КУЛА – У нашей парохиї Св. Йосафата од початку войни у України орґанизована молитвова ґрупа котра ше каждодньово модлї за мир.
Тота ґрупа кажди дзень модлї Молебен до Пресвятей Богородици и руженєц на 17:00 годзин за погинутих и постраданих, як и же би война у України цо скорей престала.
Най Пресвята Богородица и святи сващеномученїк Йосафат благослови шицких котри участвую у молитвох, як и їх фамелиї.
Праве тих дньох зме шведкове нових войнових жирячискох. Приклад наших парохиянох най спонукнє вирних и у других парохийох Епархиї св. оца Миколая Руски Керестур и ширше, визначел єромонах о. Платон Салак, ЧСВВ.