ПАРАҐЕ/КОЦУР – Фодбалски клуб Искра зоз Коцура, стреду, 22. и внєдзелю, 26. юлия одбавел два пририхтуюци стретнуца процив екипох ФК Будучносц зоз Параґох и ФК Сутєска зоз Бачкого Доброго Поля.
Екипа Искри добре бавела, та у єдним стретнуцу одбавела нєришено, док у другим стретнуцу победзела.
1. ФК Будучносц – ФК Искра – 3:3. Ґоли за екипу Искри дали: Марко Секулич, Дамян Ґубаш и Душан Бокан.
2. ФК Сутєска – ФК Искра – 2:3. Ґоли за Искру дали: Давид Неделькович (2) и Милорад Ваяґич (1).
Шлїдуюце пририхтуюце стретнуце екипа Искри будзе бавиц на нєдзелю, 2. авґуста у Коцуре, процив екипи ФК Напредак зоз Надалю. Стретнуце почнє на 18 годзин.