РУСКИ КЕРЕСТУР – Представa „Меркуй жени”, по тексту Андрея Курейчика, а у режиї Янка Лендєра, виведзена внєдзелю, 4. децембра на 54. Драмским мемориялу Петра Ризнича Дядї у велькей сали Дому култури у Руским Керестуре.
Представу виведол млади ансамбл ґлумцох – аматере драмскей секциї дюрдьовского Дружтва (Петро Хромиш – Серж, Валентина Салаґ – Лулу, Мария Горняк – Марисабел и Кристина Хромиш – Жаклин).
То слово о младим ансамблу, младих ґлумцох, котри ище годни указац свой максимум у наиходзацих рокох. Вони ище маю и порихтани су учиц на сцени, а очиглядно же маю и прихильносци.
Награду жирия публики, составену од трох членох достала Валентина Салаґ, котра бавела улогу Лулу, а тиж награду достал и цали ансамбл. Награди обезпечели НВУ „Руске Слово” и Дом култури.
Пред нє полну салу Дому култури, публика зоз моцним аплаузом поздравела представу младих ґлумцох.
