БИКИЧ – На швето Сошествиє Святого Духа, познатше як Русадля, на нєдзелю будзе отримана традицийна културна манифестация „Пришли нам Русадля”.
Програма почнє на 15 годзин зоз отвераньом етно-штандох здруженя женох, а на 16 годзин у Доме култури будзе отримани шветочни концерт.
На концерту буду участвовац аматере КПД „Дюра Киш” и СКУД „Єднота” зоз Шиду як и домашнього КПД „Иван Котляревски”, а буду участвовац и школяре хтори учa руски язик з елементами националней култури у основних школох.
После концерта на 17 годзин плановане традицийне зрубованє „майового древа”, а потим будзе отримани коктел.