ЖАБЕЛЬ – 56. Општинска смотра рецитаторох будзе отримана на нєдзелю, 15. марца на 10 годзин у ґалериї Општинскей народней бибилотеки „Велько Петрович” у Жаблю.
На смотри буду участвовац и штверо зоз Дюрдьова, котри буду рецитовац на руским язику.
Спред КУД „Тарас Шевченко” будзе участвовац школяр штвартей класа Михайло Пап и школярка другей класи Ленка Станкович. Порихтал их уметнїцки руководитель Яким Гарди.
Спред Основней школи „Йован Йованович Змай” будзе участвовац школярка другей класи Александра Пап, пририхтала ю учителька Єлена Салаґ, и школярка седмей класи Ана Канюх, хтору пририхтала наставнїца руского язика Мария Самарджич.
Рецитаторох того року будзе оценьовац Предраґ Момчилович, ґлумец Сербского народного театру у Новим Садзе.