НОВИ САД – Студенти у блокади Универзитета у Новим Садзе наявели же на соботу, 1. фебруара, на 15 годзин будзе отримани протест Три мешаци, три мости, зоз хторим ше означи три мешаци як ше случело нєщесце на Желєзнїцкей станїци у городзе и же буду блокирани новосадски мости.
Мост шлєбоди, Жежельов мост и Варадински мост буду блокирани на соботу, 1. фебруара од 15 до 18 годзин.
После 3-годзиновей блокади трох мостох учашнїки ше на Мосце шлєбоди зоз гражданским пленумом порадза чи ше блокада того моста предлужи на 24 годзини лєбо закончи, сообщели студенти.
Студенти поволали на мирни протест, наглашели же забранєне кажде насилство, лєбо знїчтожованє, руцанє петардох лєбо експлозивних направох, пендранє на мости, охабянє шмеца коло кантох, блокиранє швидкей траки за швидку помоц.