БЕОҐРАД – У Беоґрадскей парохиї св. Кирила и Методия, у церкви Христа Краля (Крунска 23), внєдзелю, 5. януара означене швето Рождество Христово – Вилїя.
Службу Божу служел парох о. Иґор Вовк, а Апостол читал Ґаврило Ґрбан.
Крачунску винчованку нашого владики Георгия Джуджара пречита о. Вовк по руски, українски и по сербски.
Парох о. Вовк у своєй казанї гварел же у живоце маме почежкосци и проблеми котри нам завадзаю и знїщую нам живот и нашу фамелию. У таким окруженю бул и Исус и превжал шицки почежкосци швета на себе. И додал ище парох же хто будзе мац довирия до Исуса будзе мац живот вични.
На служби було святочно, коляди шпивали Олґица Канюх Стаменич и шестри. На концу шестра Михаела викладала историят Заходнокатолїцкей церкви и гварела же ше кажди 25 роки означує рок паломнїцтва и надїї, а у нашей Епархиї ше тот ювилейни рок означи у катедралней церкви св. о. Миколая у Руским Керестуре и у Водици.
