ТЕМЕРИН – На XXVIII Медзинародним януарским сайме вина наградзени вина зоз Винариї Лацко зоз Руского Керестура и вина Гудак зоз Нового Саду.
У темеринскей спортскей гали у Темерину, всоботу, 24. януара преглани резултати и додзелєни припознаня найлєпшим вином. Винария Лацко, Юлиян Рац зоз Руского Керестура достала стриберну медалю за вино Промер, а вино Пробус и биле вино Виктория оценєни зоз бронзову медалю. Винария Гудак, Ириней Гудак зоз Нового Саду наградзена зоз стриберну медалю за червене вино Мерлот.
На Медзинародним януарским сайме вина ше представели продукователє вина зоз Сербиї, Мадярскей, Горватскей, Румуниї, Словацкей, Болгарскей, Молдавиї и Словениї.
Главни змисти на Сайму вина було оценьованє прикладнїкох, хтори ше придавало од 14. по 16. януар, а оценьованє було 17. януара, фахово дискусиї и черанка искуствох продуковательох вина, а тиж и деґустация вина за нащивительох и провадзаца програма.
Нащивителє коштовали приявени вина, а порихтана и културно-уметнїцка програма.
Саям вина орґанизовало Дружтво приятельох башта.
