НОВЕ ОРАХОВО – Стретнуце младих у Новим Орахове и Бачкей Тополї почина нєшка, 6. авґуста и будзе тирвац по нєдзелю 9. авґуст.
За нєшка на поладнє плановане отверанє Дому школярох, а на 19 годзин будзе вечера.
На пияток 7. авґуста на 10 годзин орґанизовани дочек госцох, а на 11 годзин плановани шведски стол зоз руским єдзеньом. На 15 годзин планована нащива улїчки 13. май и бешеда о Руснацох у Новим Орахове, а потим на 16 годзин орґанизована нащива церкви. На 18 годзин почнє културно-уметнїцка програма, а после програми будзе вечера.
На соботу 8. авґуста, после фриштику, планована нащива озеру у Бачкей Тополї и нащива стадиону фодбалского клубу ТСЦ. Истого дня на 18 годзин, на салашу у Новим Орахове плановани спортски активносци, а потим на истим месце будзе вечера и нєформалне друженє.
На нєдзелю 9. авґуста рано планована нащива етно хижи у Новим Орахове, а на 9 годзин бу требала буц отримана и Шветова рада Форуму младежи ШРРМ/ШФРМ. После схадзки у плану и нащива хижи Сенки Бенчик. За конєц, на поладнє, плановане садзенє ореха у улїчки Штефана Чакана, фотоґрафованє и випровадзованє госцох.
Стретнуце младих орґанизує Месни одбор Рускей матки „Орех” зоз Нового Орахова и Форум младих Рускей матки, зоз потримовку општини Бачка Тополя, Месней заєднїци Нове Орахово и Националного совиту Руснацох.