НОВИ САД – Вчера бул други вечар як у Новим Садзе гражданє и студенти у блокади блокирали транспорт на улїцох и вецей крижних драгох.
Вчера вечар гражданє зоз мобилнима блокадами векших крижних драгох у городзе указовали гражданску нєпослухносц, а як причина блокадох наводзи ше гарештованє вецей студентох и гражданох хтори всоботу участвовали на протесту у Беоґрадзе.
У Новим Садзе були блокирани и Мост шлєбоди и Варадински мост, даєдни крижни драги на Петроварадину, на крижней драги при Футоґским пияцу припаднїки интервентней єдинки полициї леґитимовали гражданох.
Окрем у Новим Садзе внєдзелю и пондзелок блокади були орґанизовани у вецей часцох Беоґраду, Нишу, Кралєве, Лесковцу, Чачку, Шабцу Суботици, Валєве, Зомборе, драга Вербас – Кула…
