РУСКИ КЕРЕСТУР – После законченей першенственей сезони и задзекованя на функциї потерашнього тренера Фодбалского клубу „Русин”, Златка Саянковича, зоз управи клубу обвисцую же у новей сезони Русинову екипу будзе предводзиц Слободан Милович, хтори донєдавна бул на месце помоцнїка Желька Рачича у кулским „Гайдуку 1912”.
Як познате, зоз управи Клубу були розпатрани рижни опциї хто би могол превжац место тренера, та ше прегваряло зоз даскельо познатима менами зоз Керестура и околних местох, а на концу одлука спадла на Миловича хтори у наиходзацей сезони, и попри надосц искуства, нє будзе мац лєгки задаток отримац високо поставени пласман екипи.