РУСКИ КЕРЕСТУР – У орґанизациї фодбалского клуба Русин у спортскей гали у Руским Керестуре внєдзелю 22. децембра закончени 2. жимски ноцни турнир у малим фодбалу.
На тогорочним жимским турниру участвовали 15 екипи, а екипа зоз Вербасу НТМ Чикерия и того року освоєла турнир та на тот способ одбранєла титулу зоз прешлого року.
Перше стретнуце вечара було ветеранске финале кед бавели ВСК Вербас – Супер Марио зоз Кули, а перше место освоєла екипа зоз Вербасу хтора славела зоз резултатом 1:0.
Друге стретнуце вечара було сениорске стретнуце за треце место кед бавели Пензионере (Зомбор) – Апартмани Сивчевич Титова вила Златибор (Нови Сад), а лєпша екипа була зоз Нового Саду и славела зоз резултатом 0:2.
У главним стретнуцу вечара, финалним стретнуцу бавели екипи НТМ Чикерия (Вербас) – Понтвода (Зомбор), а перше место освоєла екипа зоз Вербасу хтора и прешлого року була найлєпша.
Екипа зоз Нового Саду за освоєне 3. место достала награду од 20 тисячи динари, екипа Понтвода зоз Зомбора за освоєне 2. место достала награду од 50 тисячи динари, док НТМ Чикерия за освоєне 1. место достала награду од 180 тисячи динари.
За найлєпшого бавяча на турниту преглашени Данило Радович зоз екипи НТМ Чикерия, найлєпши ґолман бул Боян Ердеи зоз екипи Пензионере, док найлєпши стрилєц жимского турнира у малим фодбалу бул Александар Живанович зоз Новосадскей екипи.
Орґанизатор ноцного турнира у малим фодбалу ФК „Русин”.
