ИНДЇЯ – На Преображенє Господа нашого Исуса Христа и вирни у Индїї ше зишли у красним чишлє и з радосцу принєсли пошвециц овоц, як то обичай, на тото вельке швето.
Службу Божу служел и овоц пошвецел о. Ярослав Варґа котри од 21. юлия зоз декретом владики Георгия Джуджара меновани за пароха церкви Успения Пресвятей Богородици у Индїї и од теди вон каждей нєдзелї ходзи служиц.
Осем роки индїйски парох бул о. Михайло Шанта, котри постал керестурски капелан, а официйно прида парохию новому парохови на швето Успениє Пресвятей Богородици, 28. авґуста кед ше у тей парохиї преслави Кирбай.