Обегованє товаришства

автор Д. Барна
51 Опатрене

КУЛА – У Кули отримане 15. Обегованє товаришства. Як и прешлих рокох, так и того року всоботу, 15. юния було велькє одволанє обеговачох зоз цалей Сербиї и реґиону. Участвовали коло 800 обеговаче зоз сениорскей конкуренциї и вецей як 300 змагателє на дзецинских обегованьох.

У рамикох главного обегованя заступени були дисциплини: обегованє на 5 километри, обегованє на 10 километри и нордийске ходзенє на 5 километри.

Кед слово о обегованю на 10 километри, найуспишнєйши були Серґей Костич хтори наступа за „Гайдук маратон тим” зоз Кули у хлопскей и Милица Томашевич атлетичарка хтора наступа за „Червену гвизду” у женскей конкуренциї.

Обегованє потримали велї спонзоре и медийни покровителє, а и того року водитель програми бул преславени спортски коментатор Радослав Симич.

Орґанизатор обегованя то Атлетски клуб „Гайдук маратон тим”, док покровитель Општина Кула.

ПОВЯЗАНИ ТЕКСТИ