БРАТИСЛАВА (СЛОВАЦКА РЕПУБЛИКА) – Знагоди 31-рочнїци од снованя Словацкей Републики, предсидателька Зузана Чапутова, зоз Прибиновим крижом II ступня одликовала директора Театра Александра Духновича у Прешове Марияна Марка, преноши Радио лем.фм.
Додзельованє державних наградох отримане, внєдзелю, 14. януара у будинку Словацкей филгармониї у Братислави.
На шветочней церемониї участвовали и представнїки Русинох – предсидатель Округлого стола Русинох Словацкей (ОСРС) Петрo Штефаняк и член Секциї за национални меншини и етнїчни ґрупи Владового совиту Словацкей Републики о людских правох, националних меншинох и родней ровноправносци, а источашнє и член предсидательства ОСРС Петро Медвидь.