БЕРКАСОВО – На швето святого Трифуна, защитнїка винїцарох, вчера отримана традицийна туристична манифестация 28. Сримска винияда.
На манифестациї було приявене вкупно 30 прикладнїки вина и то били, червени и розе хтори потим фахова комисия оценєла.
У катеґориї билих винох перше место освоєла Винария Одровачки з Ривици, друге Джон Файфрич зоз Беркасова, а треце Дарко Дєрчан зоз Шиду.
У катеґориї червених винох перше место тиж завжала Винария Одровачки з Ривици, друге Бранислав Црнянски, а треце Єлена Баряктарович зоз Шиду.
Перше место за розе вино достала Биляна Митрович з Беркасова, друге Винария Одровачки з Ривици, а треце Ґоран Прерадович.
По традициї парох беркасовски о. Владимир Еделински Миколка на святого Трифуна пошвецел винїцу нашого познатого и наградзованого продукователя грозна и вина Мирослава Сокола зоз Бикичу.