РАЄВО СЕЛО (ГОРВАТСКА) – Внєдзелю, 9. новембра у Доме култури отримана 9. Културна манифестация Руснацох Обичаї нашого народу.
Смотра музичней творчосци Руснацох Републики Горватскей (РГ) отримана пополадню, а потим предсидатель домашнього КД Руснацох Цвелфериї Раєво Село Звонко Грубеня привитал присутних и отворел 9. Културну манифестацию Руснацох Обичаї нашого народу.
У програми участвовали ансамбли Союзу Русинох РГ и госци: КД Руснацох Цвелфериї Раєво Село, КУД Руснацох Осиєк, КД Русинох Винковци, КУД Яким Ґовля Миклошевци, КУД Яким Гарди Петровци и КУД Осиф Костелник Вуковар, ЖВҐ Арсновиа Раєво Село и КУД Сава Раєво Село. По законченю програми орґанизована вечера за учашнїкох и госцох програми зоз живу музику.
Орґанизатор 9. Културней манифестациї Руснацох Обичаї нашого народу, Союз Русинох РГ и КД Руснацох Цвелфериї Раєво Село, а под покровительством Совиту за национални меншини РГ и сопокровительством Општини Дреновци и Союзу Русинох РГ.
