КУЛА – На нєдзелю, 11. юния, у Служби Божей на 9 годзин у парохиялней церкви святого Йосафата, ґу Святей Тайни Причасци приступя ище седмеро першопричашнїки.
Перши седмеро причашнїки Святу Тайну Причасци прияли 4. юния: Лариса Ивошевич, Йован Кучински, Душица Кучински, Давид Нахирни, Валентина Монар, Ирина Микита и Никола Чорняк. До Першей Святей Причасци их пририхтал єромонах Платон Мирослав Салак, ЧСВВ, а у дзелєню Святих Тайнох и Службу Божу служел єрей Зеновий Рацки зоз Австралиї.
Парох єромонах о. Дамян Кича, ЧСВВ, у тот час кед першопричашнїки примали св. Тайну, служел Службу Божу у Крущичу, алє у духу бул на тим вельким збуваню за цалу парохию.