РУСКИ КЕРЕСТУР – Ище єдно фодбалске приятельске стретнуце отримане стреду 15. фебруара на Ярашу, дзе домашнї Русин однєсол побиду над Фодбалским клубом „Омладинацˮ зоз Дироню, з резултатом 3:1 (2:1).
Перши ґол за свою екипу дава млади Александар Тома, а потим у другим полчасу после центершуту зоз главу, лабду до ґолу трафя Деян Будински. Треци и остатнї ґол, з корнеру у 76. минути дава Боян Бранкович и то було 3:1 за Русин.
Шлїдуюце стретнуце будзе отримане на нєдзелю 19. фебруара у Селенчи, дзе Русин одбави процив домашнєй екипи Кривань.