ДЮРДЬОВ – У Основней школи „Йован Йованович Змай” у Дюрдьове, пияток, 27. марца и всоботу, 28. марца бул пробни Закончуюци испит.
Од 48 малих матурантох, перши дзень пробни испит з математики ришовали 46 малих матурантох. Други дзень 44 мали матуранти ришовали тест з мацеринского язика, односно зоз сербского понеже у тей ґенерциї нєт руске оддзелєня анї школяра котри ше приявел покладац тест з руского язика. Исти дзень покладали и тест з виборного предмету. Найвецей школярох ше опредзелєло покладац биолоґию, потим хемию, ґеоґрафию, физику и историю.
Пробни закончуюци испит покладали розподзелєни по учальньох и випочитовани шицки предписаня зоз Министерства за образованє, науку, културу и спорт.
Школяре котри нє покладали пробни закончуюци испит буду го покладац накнадно, найпознєйше шлїдуюцого тижня, а у поради зоз представнїками дюрдьовскей основней школи.
Резултати пробного закончуюцого испиту буду обявени по штварток, 2. април.
