ДЮРДЬОВ – У голу Основней школи „Йован Йованович Змай” вчера, вовторок 27. януара, зоз святочну програму означена школска слава Святи Сава.
Як обичай, пред програму, у голу школи пред публику православни священїки о. Радоє Маркович и о. Александар Симетич пошвецели школску икону, а потим славски колач преламали кумово, шицки учашнїки нa програми.
Пред програму, присутних привитала и поздравела директорка школи Любица Клепич, котра потим школяром и занятим повинчовала школску славу. У програми участвовали школяре другей, пиятей и шестей класи. Вони присутних здогадли през стихи, шпиванку и гимну на живот св. Сави и його способ похопйованя живота.
На програми були школяре, їх родичи и заняти у школи, пензионере хтори дакеди робели у тей школи и валалчанє.
