ПЕТРОВЦИ (РЕПУБЛИКА ГОРВАТСКА) – Централна преслава190-рочнїци снованя парохиї Церкви Покрову пресвятей Богородици була отримана соботу, 5. септембра зоз архиєрейску Службу Божу хтору служели крижевски владика кир Милан Стипич, владика кир Георгий Джуджар, дяковецко–осєцки надбискуп и митрополит Дюро Хранич зоз вельочисленима священїками зоз крижевскей и керестурскей грекокатолїцкей епархиї.
На святочней Служби Божей наказовал дяковецко–осєцки надбискуп и митрополит Дюро Хранич визначуюци значносц петровскей парохиї у чуваню руского идентитета.
Цали рок петровска парохия зоз парохом о. Владимиром Седлаком, мала рижни активносци хтори були пошвецени тому значному ювилею, служени панахиди петровским упокоєним священїком, була вистава о. Михайла Гардия на манифестациї Петровски дзвон, збера ше средства за обновйованє гробу длугорочного петровского священїка о. Янка Будинского Буряна.
Дня 5. септембра 1836. року у присустве ґрофа Емерика Елца представнїка Сримскей жупаниї и Крижевскей епархиї подписани декрет о снованю парохиї у Петровцох.
