ЗОМБОР – У одложеним пиятим колу другей полусезони пионирскей лиґи Зомбор – Сивер, пионире Русина стреду 14. мая одбавели першенствене стретнуце у Зомборе процив екипи ФК „Спектар” и зазначели прешвечлїву побиду зоз резултатом 1:6.
Ґоли за екипу Русина дали: Теодор Штранґар (4), Тони Орос (1) и Давид Джуня (1).
Состав екипи Русина хтори бавел: Марко Драґутинович, Алекс Цвайґ, Давид Джуня, Теодор Штранґар (c), Тони Орос, Марко Илич, Марко Колошняї, Алекса Сопка, Даниєл Фейди, Дюла Фаркаш и Дарко Еделински.
На лавочки ищє бул: Алексей Виславски, Тони Колошняї, Андрей Чижмар, Даниєл Надь, Лука Фа, Єлисей Пап и Андрей Виславски.
Тренер – Деян Йолич.
Идуце першенствене стретнуце, тиж и остатнє у тей сезони пионирскей лиґи Зомбор – Сивер екипа Русина будзе бавиц у Зомборе процив екипи ФК „Раванґрад 2018”, хвильково першей екипи на таблїчки.