РУСКИ КЕРЕСТУР – Рукометни клуб „Русин” внєдзелю 6. октобра у спортскей гали у Руским Керестуре одбавел друге першенствене стретнуце Трецей лиґи Войводини процив екипи РК „Кляїчево Чонопля” зоз Кляїчева и на домашнїм терену зазначели пораженє зоз резултатом 24:26 (11:12).
За РК „Русин” наступели – Петар Пирожек, Михайло Мудри, Виктор Микита, Лука Стойков, Андрей Пашо, Матия Чапко, Славко Гербут, Марко Слива, Предраґ Марянац, Филип Орос, Алекса Костелник, Иґор Варґа, Филип Ноґо, Неманя Стойков и Филип Тома.
При керестурских рукометашох найвецей ше визначели Алекса Костелник зоз посцигнутима седем ґолами, а тиж ефикасни були и Филип Тома и Славко Гербут хтори дали по штири ґоли.
У идуцим 3. колу першенства Трецей лиґи Войводини РК „Русин” будзе бавиц у Приґревици процив екипи РК „ПИК Приґревица”.