РУСКИ КЕРЕСТУР – У дзевятим колу другей полусезони пионирскей лиґи Зомбор – Сивер, пионире Русина внєдзелю 11. мая требали одбавиц першенствене стретнуце у Руским Керестуре процив екипи ФК Слоґа зоз Чоноплї, медзитим пре приватни причини госцуюца екипа ше нє зявела на тото стретнуце. По предписаних правилох резултат реґистровани 3:0 за екипу Русина.
Состав екипи Русина хтори требал бавиц на тим стретнуцу бул: Марко Драґутинович, Тони Колошняї, Алекс Цвайґ, Лука Фа, Теодор Штранґар (c), Тони Орос, Марко Илич, Марко Колошняї, Алекса Сопка, Дюла Фаркаш и Дарко Еделински.
На лавочки ищє бул: Алексей Виславски, Андрей Чижмар, Єлисей Пап и Андрей Виславски.
Тренер – Деян Йолич.
Идуце першенствене стретнуце, тиж и остатнє у тей сезони пионирскей лиґи Зомбор – Сивер екипа Русина будзе бавиц 17/18. мая у Зомборе процив екипи ФК Раванґрад 2018, хвильково першей екипи на таблїчки.