КРУЩИЧ – Младши катеґориї Фодбалского клуба „Русин” внєдзелю 11. мая у Крущичу одбавели два стретнуца у рамикох Розвойней лиґи и зазначели єдну побиду и єдно пораженє.
На тих стретнуцох бавели дзеци хтори ходза до трецей и штвартей класи основней школи.
1. ФК Младосц (Крущич) 2014 – ФК Русин 2014 – 9:7. Ґоли за екипу Русина 2014 дали: Тони Сивч (3), Страхиня Кршич (3) и Лука Зелич (1).
2. ФК Младосц (Крущич) 2015 – ФК Русин 2015 – 6:4. Ґоли за екипу Русина 2015 дали: Лука Тасич (3), Михайло Шомодї (1), Виктор Шимко (1) и Тони Сивч (1).
Млади русиновци одбавели и пририхтуюце стретнуце стреду 7. мая у Руским Керестуре процив екипи ФК Панония, дзе одмерали моци процив парнякох зоз Лалитю. На тим стретнуцу бавели дзеци хтори ходза до другей класи основней школи.
ФК Русин 2016 – ФК Панония (Лалить) 2016 – 0:3.
Тренер – Зденко Шомодї.
Шлїдуюци стретнуца хтори ФК Русин одбави у рамикох Розвойней лиґи будзе ознова процив екипи ФК Младосц зоз Крущичу, а потим и процив екипи ВАТ зоз Вербасу. Тиж у наиходзацим периодзе заплановане же би ше одбавело и пририхтуюце стретнуце процив екипи ФК Панония зоз Лалитю.
