РУСКИ КЕРЕСТУР – У рамикох Розвойней лиґи младши катеґориї Фодбалского клуба „Русин” стреду 16. априла у Руским Керестуре на стадиону Яраш одбавели пейц стретнуца процив екипи ФК ЦФК зоз Вербасу дзе зазначели штири побиди и єдно стретнуце одбавели нєришено.
На тих стретнуцох бавели дзеци хтори ходза до першей, другей, трецей, штвартей и пиятей класи основней школи.
1. ФК Русин 2017/18 – ФК ЦФК Вербас – 6:3. Ґоли за екипу Русина 2017/18 дали: Тони Пашо (2), Лука Кренїцки (2) и Матей Югик (2).
2. ФК Русин 2016 – ФК ЦФК Вербас – 2:1. Ґоли за екипу Русина 2016 дали: Виславски Павле (1) и Лени Грнчар (1).
3. ФК Русин 2015 – ФК ЦФК Вербас – 2:0. Ґоли за екипу Русина 2015 дали: Михайло Шомодї (1) и Лука Тасич (1).
4. ФК Русин 2014 – ФК ЦФК Вербас – 11:2. У екипи Русин 2014 скоро шицки бавяче дали ґоли.
5. ФК Русин 2012/13 – ФК ЦФК Вербас – 4:4. Ґоли за екипу Русина 2012/13 дали: Зара Малацко (1), Тони Надь (1), Андрей Виславски (1) и Алекс Цвайґ (1).
Тренере – Зденко Шомодї, Денис Югик и Деян Йолич.
Шлїдуюце стретнуце хторе ФК „Русин” одбави у рамикох Розвойней лиґи будзе на соботу 26. априла у Бачким Добрим Полю процив екипи „Сутєска”.
