РУСКИ КЕРЕСТУР – Седме коло у своєй Розвойней лиґи, Русиново фодбалере одбавели всоботу, 4. новембра, кед дочекали Младосц зоз Крущичу.
Сушедна екипа до Керестура пришла зоз двома екипами, та перше стретнуце одбавели дзеци 5. и 6. класи основней школи, хтори победзели госцох зоз 3:1, а потим и дзеци 3. и 4. класа хтори победзели Младосц зоз 7:5.
Истого дня наступели и старши пионире хтори тиж зазначели побиду над госцуюцим Полетом зоз Каравукова, а з резултатом 4:3.
За першу екипу наступели дзеци 5. и 6. класи, а то – Андрей Виславски, Алексей Виславски, Дарко Еделински, Тони Колошняї, Ален Бики, Йован Цвєтичанин, Алекса Шомодї, Алекс Цвайґ, Марко Илич, Єлисей Пап, Никола Планчак, Стефан Арва и Даниел Фейди. Ґоли дали – Денис Цвайґ, Марко Илич и Никола Планчак.
За другу екипу потим наступели младши русиновци, дзеци 3.и 4. класи, хтори победзели госцох зоз 7:5.
У тей екипи наступели – Страхиня Кршич, Тони Сивч, Филип Бурчак, Андрей Надь, Алек Малацко, Славиша Свирчев, Иван Надь, Давид Гарди, Давид Колошняї, Стивен Банич, Кристиян Чонка, Виктор Надь, а понеже у тей ґенерациї хибел ґолман, на ґолу була Николая Рац школярка 6. класи. Ґоли дали – Давид Гарди 4, Иван Надь, Страхиня Кршич и Тони Сивч.
Обидва змаганя судзел Александар Драґутинович, ґолман Радничкого зоз Зомбору, Керестурец, хтори допринєсол же би цале стретнуце прешло у найлєпшим порядку.
У наиходзацим викенду, у 8. колу Розвойней лиґи, Русин дочека Фодбалски клуб Сириґ.
