НОВИ САД – На Медзинародним сайме кнїжкох у Новим Садзе свойо виданя представя вєдно Завод за културу войводянских Руснацох и НВУ „Руске слово”, на штварток 20. марца.
Промоциї виданьох буду од 15 до 16:30 годзин на штанду и на малей бини Покраїнского секретарияту за културу, явне информованє и одношеня з вирскима заєднїцами.
На сайме НВУ „Руске слово” и Завод за културу войводянских Руснацох порихтаю промоциї найновших виданьох: Юлиян Тамаш, Рика Мономах, заєднїцке виданє НВУ „Руске слово” и Заводу; Ана Римар Симунович Мит завичаю у творчосци Михайла Ковача / Мит завичаја у стваралаштву Михајла Ковача, виданє Заводу за културу войводянских Руснацох; Агнета Бучко Папгаргаї Жена у чамцу – 100 думки о живоце, НВУ „Руске слово”; Наташа Еделински Миколка Числа, виданє за дзеци; Ирина Гарди Ковачевич Здравканє красне воспитанє, виданє за дзеци; Олена Планчак-Сакач Карпатски шаркань,виданє за дзеци; Оксана Мудри Недич Єдначини през бависко, виданє за дзеци; Мая Зазуляк Гарди Свадзба виданє за дзеци.