НОВИ САД – На Медзинародним сайме кнїжкох у Новим Садзе, нєшка свойо виданя представя вєдно Завод за културу войводянских Руснацох и НВУ Руске слово, на штварток 20. марца. У истим термину буду представени и виданя Рускей матки и КПД ДОК.
Промоциї виданьох буду од 15 до 16:30 годзин на штанду и на малей бини Покраїнского секретарияту за културу, явне информованє и одношеня з вирскима заєднїцами.
На Медзинародним сайме кнїжкох НВУ Руске слово и Завод за културу войводянских Руснацох порихтаю промоциї найновших виданьох:
Юлиян Тамаш, Рика Мономах – Aвтобиоґрафски роман – заєднїцке виданє Заводу за културу войводянских Руснацох и НВУ Руске слово, а участвую: Юлиян Тамаш, Саша Сабадош, Микола Шанта, Борис Варга (увод);
Ана Римар Симунович Мит завичаю у творчосци Михайла Ковача – виданє Завода за културу войводянских Руснацох, участвую: Ана Римар Симунович, Саша Сабадош и Юлиян Тамаш;
Ирина Гарди Ковачевич Здравканє то красне воспитанє – кнїжка за дзеци сликовнїца, участвую: Ирина Гарди Ковачевич, Ясмина Дюранїн, Микола Шанта;
Олена Планчак-Сакач, Карпатски шаркань кнїжка за дзеци сликовнїца, участвую: Олена Планчак-Сакач, Ясмина Дюранїн, Микола Шанта,
Наташа Еделински Миколка Числа – кнїжка за дзеци сликовнїца, участвую: Наташа Еделински Миколка, Ясмина Дюранїн, Микола Шанта;
Оксана Мудри Недич, Єдначини през бависко – кнїжка за дзеци сликовнїца, участвую: Оксана Мудри Недич, Ясмина Дюранїн, Микола Шанта;
Мая Зазуляк Гарди, Наша свадзба – кнїжка за дзеци сликовнїца, участвую: Ясмина Дюранїн, Микола Шанта.
На Сайме будзе слова и о кнїжки Агнета Бучко Папгаргаї Жена у чамцу – 100 думки о живоце” (поезия).
На Медзинародним сайме кнїжкох у Новим Садзе у истим термину буду представени и кнїжки Рускей матки и КПД ДОК, у промоциї виданьох буду участвовац Лїляна Кирда, Владимир Лазор и проф. др Михайло Фейса. Годно ше достац безплатни прикладнїк виданьох Рускей матки и КПД ДОК.
Дружтво за руски язик литературу и културу на сайме будзе участвовац у рамикох представяня Координацийного одбору дружтвох за язики, литературу и културу на соботу 22. марца на 11 годзин на штанду Покраїнского секретарияту за образованє, предписаня, управу и национални меншини – национални заєднїци.