ДЮРДЬОВ – У Основней школи „Йован Йованович Змай” у Дюрдьове, роботней соботи, 21. марца шицки школяре означели Медзинародни дзень мацеринского язика.
Школяре нїзших и висших класох того дня на годзинох зоз своїма учителями и учительками, наставнїками и наставнїцами и разреднима старшинами бавели рижни квизи.
Медзи иншим було и бависко у котрим ше школяре змагали як ше даєдни поняца гуторя по сербски, руски, ромски, нємецки, янглийски, лєбо по русийски, та и квизи на котрий ше школяре бавели пантомими, мали дебати на рижни теми: прецо лєпша ранша, а прецо пополадньова змена, цо лєпше чи вожиц ше на бициґли чи бегац, и подобне.
