КУЛА – На Општинским змаганю у шаху, котре отримане всоботу, 25. фебруара у Основней школи „Иса Баїч” у Кули, участвовали и 12. школяре зоз Руского Керестура котри зазначели одлични резултати.
Додзелєне 11 дипломи и исто тельо школярох ше пласовало на окружне змаганє котре будзе отримане 11. марца у Зомборе, лєбо у Апатину.
Нашо школяре на општинским змаганю завжали шлїдуюци места:
Хлапци – Алекса Шомодї (4. класа) завжал 3. место, Ерик Грубеня (5. класа) завжал 2. место, Марко Илич (5. класа) завжал 3. место, Исак Новта (6. класа) завжал 1. место, Тони Орос (6. класа) завжал 3. место, Андрей Провчи (7. класа) завжал 2. место, Лука Фа (7. класа) завжал 3. место, Теодор Штранґар (7. класа) и попри моцней конкуренциї завжал 6. место.
Дзивчата – Валентина З. Харди (6. класа) завжала 1. место, Валентина В. Гарди (6. класа) и завжала 2. место, Лана Шомодї (7. класа) завжала 1. место, а Сара Боцка (8. класа) завжала 3. место.
Општинске змаганє у шаху у ОШ „Иса Баїч” ше отримує уж штварти рок, од кеди єст у школи виборни предмет шах.
На змаганю участвовало 62 дзеци зоз цалей општини, а каждого року приходзи вше вецей дзеци. Кажди школяр котри освої єдно од трох местох ма ше нагоду пласовац на окружне змаганє котре того року будзе отримане у Зомборе, лєбо Апатину.
