НОВИ САД/ЛАЗАРЕВАЦ – Школска рукометна секция зоз керестурскей Школи котру водзи Нада Сабадош, участвовала на 29. Медзинародним турниру у рукомету и мини рукомету „Рошнїме” – трофей Городу Нового Саду.
У Новим Садзе одбавели три змаганя, два змаганя победзели, а єдно страцели. На тих змаганьох у мишаним составе бавели: Никола Планчак, Матия Чапко, Андрей Пашо, Лука Стойков, Николая Рац, Силвия Папуґа и Тияна Сабадош.
Школска рукометна секция тиж участвовала на ище єдним турниру X „Жарка Куп”, котри отримани у Лазаревцу. И на тим турниру одбавели три змаганя, од котрих Керестурци єдно змагане победзели, а два страцели. Мини рукомет бавели тиж у мишаним составе: Никола Планчак, Матия Чапко, Лазар Плавшич, Андрей Пашо, Урош Плавшич, Николая Рац, Ваня Премович и Николина Гарди.
Треба надпомнуц же на турниру у Лазаревцу, вєдно зоз дзивчатми зоз Ж.Р.К. „Колубара” Лазаревац, рукомет бавели Тияна Сабадош и Силвия Папуґа.