КУЛА – Вирни парохиї св. свящ. Йосафата и їх филияли у Крущичу торжествено означели швето Рождества Христового.
На Вилию у храме парох кулски єромохан Дамян Кича, ЧСВВ служел на 20 годзин Всеночне.
Ютредзень, внєдзелю, на швето Рождества Христового – Крачун на 7 годзин була служена Утриня, на 8:30 були пацерки и споведз, на 9:00 капелан єромонах Платон Салак, ЧСВВ служел крачунску Службу Божу после котрей члени КУД „Иван Сенюк” и дзеци котри уча українски язик у школи, а котрих пририхтала Надїя Воротняк приказали красну програму.
После Служби було и мированє.
Парох кулскей парохиї єромонах Дамян Кича, ЧСВВ на Крачун служел Службу Божу у кулскей филияли у Крущичу, на котрей були присутни 13 вирни.
Другого дня Крачуна, на швето Собор Богородици и св. Йосифа обр. Служби були як на швето. З оглядом же капелан о. Платон Салак, ЧСВВ бул у Дюрдьове на архиєрейскей Служби Божей, Службу служел єромох Дамян Кича, ЧСВВ.
Трецого дня Рождества Служби служени як на швето, а служели их обидвоме єромонахи.
